perchè go scelto el granzio come mio distintivo: co gero toseto e 'ndavo ,par le prime volte, a sciar i me amissi ga scominzia a ciamarme "granzio" parchè seco come che gero, co ste gambe longhee imbranà come tuti i principianti ghe parevo un granzio e cussì me so afessionàa sto nomignolo e, avendo trovà un disegneto grassioso, lo go ripreso nel mio indirisso.El scopo de sto blog xe quelo de far conosser ai me amissi le poesie, in venessian, che dal 1979 vado scrivendo, divertindome un mondo!! ecoghene una par esempio:
Cronache rialtine
Al mondo succede dei fati assai gravi
La nostra Rialto no ga più imbriaghi
In cambio ne riva, ormai xe da mesi
Cofà e formigole tanti cinesi
i vien coe valise stracolme de grana
E i ga comprà tuto! so mare …….!!!
Parchè i comercianti de ieri e de’ncuo
Co vede i contanti se vende anca ‘l ….!!
El bon Marco Polo garbato e cortese
El ga comercià co l’impero cinese
Vivendo, par ani, ala corte del kan
El sa guadagnà ‘ l so bel toco de pan
Però no voria che co sta invasion
Rialto deventa cofà china town
Francesco (5 agosto 2005)
2 commenti:
Me pare me diseva,qualche sessanta ani fa, che i cinesi vendeva i reogi a peso. Adesso ghe ze tuta viaPiave piena de cinesi. Ghe ne riva uno e po' el ciama tuto el so parentado.Te digo la verità: se par cucarme un cicheto co i amissi
me toca ordinar "un'ombla de nelo e un tlamesin", perdo la concentrassion e ordino " 'na bila".
Posta un commento